Pas grabitjes spektakolare që pastruesja dhe i biri bëri në banesën e ish-shefes së Kabinetit të zv.kryeministrit Arben Ahmetaj në Tiranë, ka reaguar dhe lideri i Partisë Demokratike, Sali Berisha. Ai është shprehur se policia fshehu emrin e zyrtares në fjalë.
“Shuma përrallore vidhen tek këshilltarja e kryeministrisë! Nënë e birë kishin vjedhur tek zyrtarja e lartë Kryeminstrise qindra mijëra euro”, shkruan Berisha.
Më tej ai thotë së “policia në komunikatën e saj mban sekret emrin e zyrtares së vjedhur Alda Klosit, ish shefe e kabinetit të zv.Kryeministrit famoz Arben Ahmetaj, tani këshilltare në kryeministri mbasi del problem origjina e parave të vjedhura”.
“Burime dixhitale nga policia njoftojnë se shuma e gjetur tek nënë e birë është deri tani mbi 540 mijë euro. Kjo është shuma më e madhe e kapur ndonjëherë hajdutëve. Sipas këtyre burimeve hajdutët, parat i kanë gjetur të fshehura në dy dyshekë. Nerkohë policia ka marrë urdhër i prerë të mos përmendet emri i këshilltares së Kryeministrisë të zhytur në euro smeralde, safire flori dhe rubinë”, pohon Berisha.
Discussion about this post