Grabitje me dhunë në një banesë, i moshuari në gjendje të rëndë

Një ngjarje e rëndë raportohet të ketë ndodhur në qytetin e Korçës, ku një banesë është grabitur me dhunë.

Sipas burimeve, ngjarja ka ndodhur në zonën e unazës së qytetit, në një pallat në lagjen 15 dhe raportohet se autorët e vjedhjes kanë dhunuar një të moshuar që ndodhej në banesë, me qëllim që ta grabisnin.

Mësohet se i moshuari është në spital në gjendje të rëndë shëndetësore.

Ndërkohë Policia ndodhet në vendngjarje, për të bërë të mundur zbardhjen e plotë të rrethanave të saj