Një grek është dënuar me katër burgime të përjetshme në Patra, pasi kishte ekzekutuar një familje të tërë shqiptare. Ngjarja ka ndodhur në mars 2022.
61-vjeçari grek pronari i shtëpisë ku familja shqiptare banonte në Andravida, është rrëfyer pasi ka kryer krimin e tmerrshëm.
Ai gjatë hetimeve paraprake ka rrëfyer se ka vrarë Armando dhe Maria Klotis si dhe dy fëmijët e tyre një dhe dy vjeç.
Sipas medieve helene autori është shprehur se i ka vrarë pas viktimat nuk i kishin paguar qiranë.
Mirëpo informacionet thonë se 61 vjeçari ka dashur t’i dëbojë ata pa skaduar afati i qirasë.
Gjurmët e 61 vjeçarit kishin humbur që prej pasdites së mërkurës, kur u zbulua tragjedia.
Pas një aksioni të koordinuar të policisë, i kërkuari është arrestuar në Patra.
Discussion about this post