Ministri i Jashtëm grek Nikos Dendias ka zhvilluar sot një takimit në Athinë me homologun serb, Nikolas Selakoviç, nga ku ka bërë disa deklarata të forta. Gjatë fjalës së tij ai tha se, Greqia do të rrisë bashkëpunimin ushtarak me Serbinë, por nuk mbështet propozimin për ndryshimin e kufijve.
“Greqia është kundër forcave centrifugale të cilat mund të dëshirojnë të rihartojnë rajonin tonë. Ne diskutuam dhe jam veçanërisht i lumtur për këtë bashkëpunimin ushtarak mes nesh. Mund të bëjmë më mirë në këtë sektor”, tha ai.
Ndër të tjera ai tha se do të informohet nga ministri i Mbrojtjes Kombëtare Nikos Panagiotopoulos për rezultatin që do të jap kjo bisedë në ditët në vazhdim, ndërsa shprehu besimin se ministritë e Mbrojtjes dhe Forcat e Armatosura të Greqisë dhe Serbisë do të bashkëpunojnë shumë ngushtë në të ardhmen e afërt.
Më tej, Nikos Dendias vuri në dukje se ka perspektiva të mëdha për energjinë, transportin dhe shumë mundësi të mëdha për rritjen e ndërlidhjes ndërmjet dy vendeve, si në planin bilateral ashtu edhe në atë shumëpalësh, me pjesëmarrjen e vendeve të tjera të rajonit. Duke vazhduar në të njëjtën gjatësi vale, ministri i Jashtëm tha se Greqia edhe sot qëndron në krah të popullit serb për t’u bërë pjesë e pandashme e familjes evropiane. Ai tha se Greqia beson që Serbia është në Europë.
Discussion about this post