Greqia do të vendos masa të reja për mbrojtjen kundër Covid-19 dhe që pritet të hynë në fuqi më 13 shtator. Kjo paketë është përshkruar si një “bllokim” për të pavaksinuarit, pasi në thelb ka të bëjë me ndalimet.
Ekspertët parashikojnë një rritje të numrit të rasteve, veçanërisht deri në fund të shtatorit, kur sistemi shëndetësor pritet të jetë nën presion. Vlen të përmendet se kjo është një datë kyçe, pasi shkollat hapen në të njëjtën ditë dhe ekziston frika nga shtimi i rasteve.
Masat e reja në Greqi
Përsa i përket punëtorëve të pavaksinuar në të gjithë sektorin privat dhe publik do t’i nënshtrohen testeve me shpenzime e tyre, 10 euro.
Mësuesit dhe punonjësit e pavaksinuar në turizëm, hotelieri, televizion, teatër dhe muzikë do të duhet të bëjnë dy teste laboratorike të shpejta në javë.
Punëdhënësi rezervon me ligj të drejtën të dijë nëse punonjësit në kompaninë e tij janë të vaksinuar dhe është i detyruar të kontrollojë vlefshmërinë e certifikatës së testit negativ për punonjësit e pavaksinuar.
Nëse punonjësit e kanë marrë vërtet testin do të vërtetohet me certifikatën dixhitale dhe do të kontrollohet detyrimisht me aplikacionin COVID Free App nga punëdhënësi.
Studentët e pavaksinuar do të bëjnë dy teste falas brenda javës.
Udhëtarët e pavaksinuar mbi 12 vjeç do të kenë një test të shpejtë laboratorik 48 orë para udhëtimit, ndërsa fëmijët 5 deri në 12 vjeç do të bëjnë një vetë-test.
Nga 13 shtatori, vetëm ata që janë vaksinuar dhe ata që kanë simptoma do të jenë në gjendje të bëjnë teste falas në qendrat publike.
Në dyqanet e mbyllura zonat e fokusit dhe vendet argëtuese, do të hyjnë vetëm ata që janë vaksinuar ose kanë certifikatë.
Teatrot, kinematë, muzetë: Mund të hyjnë të pavaksinuar me një test të shpejtë 48-orësh.
