Pas përhapjes së variantit Omicron që po shqetëson shumë vende të botës, Greqia ka vendosur që të marrë masa shtesë për udhëtarët që i drejtohen këtij shteti.
Ministria për Evropën dhe Punët e Jashtme njofton se ndalohet përkohësisht hyrja në Greqi e të gjithë shtetasve të vendeve të treta, nga çdo pikë hyrjeje në Greqi dhe në çfarëdo mënyre apo mjeti, duke përfshirë lidhjet ajrore, detare, hekurudhore dhe rrugore.
Ndërsa, banorët e përhershëm të Shqipërisë, mund të hyjë në Greqi me të njëjta rregulla që kanë qenë në fuqi më herët. Këtu përfshihet certifikata e vaksinimit anti-Covid me të gjitha të dhënat dhe llojin e vaksinës, plotësimin e një formulari online, dhe në mungesë të certifikatës duhet testi anti Cocid negativ.
Gjithashtu, mësohet se pikat kufitare të Kakavisë, Kapshticës dhe Qafbotës funksionojnë 24 orë, ndërsa ajo e Tre Urave funksionon nga ora 08:00 deri në orën 20:00.
Discussion about this post