Epidemiologu Erion Dasho ka folur në lidhje me variantin e ri të Covid -19, Omicron që po përhapet në Europë me ritme të shpejta. Dasho tha gjatë një interviste televiziveve se, të dhënat e deritanishme janë të cunguara, për shkak se popullsia e Afrikën ndryshon shumë nga ajo e Europës, qoftë me moshën e re të saj, qoftë me numrin shumë të lartë të personave të pavaksinuar.
Sipas tij, ende nuk mund të flasim me siguri për rrezikshmërinë e këtij mutacioni apo për trashëgueshmërinë e tij. Ndër të tjera ai tha se çdo person që ka kaluar 6 muaj nga doza e dytë e vaksinës, apo 6 muaj nga infektimi me Covid duhet të bëjë një dozë përforcuese, për të shmangur një valë tjetër pandemie.
“Në Afrikën e Jugut është vënë re një përhapje e madhe, duhet të shohim si do të sillet virusi në popullatat e vaksinuara. Është ende shumë herët për të bërë konkluzione. Personat e imunizuar kanë mbrojtje dhe ndaj variantit Omicron, ende nuk dihet sesa është shkalla e mbrojtjes. Si përkthehet kjo në terma konkretë, sa më e lartë të jetë shkalla e mbrojtjes, çdo person që ka më shumë se 6 muaj që ka kaluar Covid, ose 6 muaj që ka marrë dozën e dytë, duhet të marrë dozën e tretë në mënyrë që të përforcojë mbrojtjen ndaj Omicron.
Është e vështirë që ta krahasosh me Deltën, pasi të dhënat e popullsisë në Afrikë janë shumë më të ndryshme nga Europa. Në Afrikë ka një moshë më të re të popullsisë, dhe ka një përqindje më të madhe të personave të pavaksinuar“, tha Dasho. Eksperti theksoi se nga një infektim i rëndë të mbrojnë të dyja llojet e imuniteteve, qoftë ai natyral, qoftë dhe ai i i fituar nga vaksinimi me dy doza.
Discussion about this post