Qeveria greke ka vendosur që të gjobisë të gjithë ata persona të cikët identifikohen se lëvizin në vende publike dhe nuk kanë bërë vaksinën. Sipas njoftimit të Ministrisë së Shëndetësisë atje, gjoba do të jetë 50 euro për janarin dhe 100 euro duke filluar nga shkurti. Nëntëdhjetë përqind e njerëzve mbi 60 vjeç janë vaksinuar, ose kanë rezervuar një takim vaksinimi që nga shpallja e gjobës, bëjnë të ditur mediat greke.
Megjithatë, rreth 300,000 njerëz mund të përballen me gjobën nëse nuk vaksinohen Në vend, punonjësit e sistemit të shëndetësisë që nuk janë vaksinuar ndaj COVID-19 tashmë janë pezulluar dhe përballen me mundësinë e shkarkimit nëse nuk respektojnë rregullat e vaksinimit.
Disa zyrtarë qeveritarë favorizojnë zgjerimin e vaksinimit të detyrueshëm për personat e moshës 50-59 vjeç, por ende nuk është marrë një vendim i tillë. Greqia regjistroi 95 vdekje të tjera të lidhura me COVID-in të dielën, ndërsa numri total i vdekjeve në vend arrin në 22,000.
Discussion about this post