Kryeministri i Kosovës Albin Kurti ka nisur një takim pak minuta më parë me Këshillin Grevist të BSPK-së, pjesë e këtij ekipi është edhe kreu i SBASHK-ut Rrahman Jasharaj, në ndërtesën e Qeverisë.
Kurti zhvilloi mbrëmjen e së shtunës një takim me kryetarin e BSPK-së, Atdhe Hykolli, por nuk u arrit asnjë rezultat pasi dhe ditën e djeshme procesi mësimor në shkollat e Kosovës nuk filloi.
Greva ka nisur më 25 gusht dhe ka ardhur si pasojë e mos realizimit të kërkesave të SBASHK-ut nga Qeveria e Kosovës, në mesin e të cilave është edhe kërkesa për shtesën prej 100 euro për përballimin e inflacionit deri në Ligjin për Paga. Ndërsa ministrja e Arsimit, Arbërie Nagavci të mërkurën u ka kërkuar mësimdhënësve që të ndërpresin grevën ndërkohë që kryeministri Albin Kurti nuk ka pasur asnjë reagim zyrtar.
Discussion about this post