Ashtu siç pritej, Eros Grezda është larguar nga Osijek, megjithëse jo në mënyrë përfundimtare. Klubi hungarez i Zalaegerszegi TE njofton se ka arritur marrëveshjen me kroatët për transferimin e tij.
Ai kalon në kampionatin hungarez në formën e huazimit për një sezon. Lajmin e bën të ditur vetë klubi hungarez, që Grezdën e ka afrimin e nëntë për këtë sezon.
Grezda do provojë të ristartojë në Hungari, pas rreth dy sezonesh në agoni totale, i kushtëzuar nga dëmtimet, operacionet e njëpasnjëshme dhe problemet jashtë fushe.
