Një tjetër debat është zhvilluar në Kuvend, këtë herë mes ministres për Marrëdhëniet me Parlamentin, Elisa Spiropali dhe deputetes demokrate Grida Duma. Përplasja erdhi pasi Spiropali nuk i priti mirë deklaratat e Dumës se qeveria interesohet për partinë dhe jo për popullin shqiptar, ndërsa i kujtoi edhe “Skënderbeun”.
Në përgjigjen e saj, Spiropali tha se Duma është një deputete arrogante dhe se ka shfaqur paqëndrueshmëri në qëndrimet e saj në opozitë, duke i thënë se opozita është inkoherente.
Grida Duma: Ne kemi një inkoherencë të madhe, e kemi për Shqipërinë. Përpiqemi që të jemi në atë modestinë tonë për të qenë koherencë për të qenë me Skënderbeun.
Elisa Spiropali: Nuk e dëgjova me vëmendje deputeten, ka një spirrë verbale. Arrogante, e vrazhdë. Është triumfi absolut i formës mbi përmbajtjen. Gjeti kohë që baltën ta hidhte dhe mbi mua, nuk e marr dot inat sepse lavjerrësi i saj politik flet më shumë se gjithçka tjetër. Luli i mirë, Luli i keq. Berisha, i mirë, Berisha i keq. Duhet të iki, duhet të kthehet. Dhe vetëm kësaj inkoherence iu përgjigja. Vetëm mund të qesh. Nuk ka make-up që i mbulon këto mangësi. Duke perifrazuar edhe shprehjen. Patjetër që lind, nuk bëhesh. Kështu vlen edhe për politikanët. Shëndet zonjë, Zoti qoftë me ty, por duket se ti nuk je me të”, tha Spiropali.
Discussion about this post