Vendimi i ish-deputetes së Partisë Demokratike Grida Duma për të lënë mandatin i befasoi të gjithë. Por mesa duket ajo kishte plane të tjera. Konkretisht, për tu futur në botën e televizionit.
Një nga politikanet e djathta më të forta, Duma zgjodhi Top Channel si ekranin që do ta përfaqësonte në të ardhmen e afërt.
Ndërkohë trashëgimtarja e këtij televizioni Lori Hoxha, ka konfirmuar se Grida Duma do të drejtojë programin që mban titullin “Top Story”. Puntata e parë do të jetë këtë të hënë.
Lexo edhe: Grida Duma dorëzon mandatin e deputetes: Vendimi i duhur!
“Kam dorëzuar shkresën për lënien e mandatit. Pas një reflektimi të gjatë, reflektim që vjen pas një përpjekje të gjatë për të bërë të duhurën për partinë time dhe votuesit që përfaqësoj. Ky është vendimi i duhur.
Mendoj që në politikë fatet individit vlen të konsiderohen dhe rimendohen vetëm kur ato shkojnë në një kahje me fatet e njerëzve dhe vendit, kurrë e kundërta. Megjithëse e kanë bërë shpesh të kundërtën.
Fati i njerëzve që përfaqësoj është misioni i vetëm që i përgjigjem. Më e thjeshta për mua do ishte të kisha qëndruar të prisja të mos ndodhin dështimet që disa u parashikojnë. Siç e di që ka edhe nga ata që presin skutave për shansin e humbur.
Mund të qëndroja për të mbijetuar, duke vegjetuar. Shumë vite në politikën e vijës së parë nuk i jam larguar përgjegjësie e as betejës”, tha Duma në deklaraten e saj.
Discussion about this post