Arbër Bytyqi është një emër shumë i dëgjuar në fushën e bukurisë, i cili “fshihet” pas make-up-it të personazheve më të famshme shqiptare.
Grimieri ka punuar me moderatoren Arbana Osmani gjatë programeve që ajo ka prezantuar në Top Channel, ku më i fundit ishte “Big Brother Vip”. Po ashtu ai ka punuar dhe me Luana Vjollcën.
Bytyqi ishte i ftuar në “Goca dhe Gra” ku ndër të tjera tregoi për bashkëpunimet që ka pasur me dy vajzat e njohura të ekranit.
Por, a mund të bëjë ai një dallim mes të dyjave:
“Arbana me Luanën janë dy personazhe që krahasohen dhe as nuk kanë pika të përbashkëta. Me Luanën është muhabet krejt tjetër, kam marrëdhënie shumë të mira, ka vite që e njoh. E kam shoqe shumë të mirë, është kënaqësi të punosh me të. Sjell pozitivitet, është shumë ‘funny’.
Arbanën tani e kam njohur. Në fillim kam pasur pak frikë, sepse ka qenë natyrë pak më ndryshe, pak më serioze. Por tani kemi krijuar raporte shumë të mira. Është shumë profesioniste në punë, di çfarë do, të respekton kohën për grimin”.
Të dyja i kam shumë xhan, thotë Arbri, dhe e mbyll përgjigjen me stil, duke thënë se secila e ka lezetin e vetë.
I pyetur se cila nga artistet e frymëzon më shumë kur e grimon, Arbri përmend këngëtaren Dafina Zeqiri.
Discussion about this post