Gripi i shpendëve, Gjeci: S’ka rrezik nga mishi e vezët

Në të gjithë vendin deri më tani kanë ngordhur si pasojë e gripit të shpendëve të paktën 382 mijë shpendë në të gjithë vendin.

Lajmin e bëri të ditur zv/ministrja e Bujqësisë Ermira Gjeci e cila tha po ashtu se nga produktet e mishit të pulës dhe vezët nuk ka probleme nëse blihen nga operatorë të certifikuar dhe gatuhen në temperaturat e duhura.

“382 mijë shpendë të ngordhur. Vazhdon procesi për eliminimin e shpendeve, kemi 65 stabilimente kontrolle dhe deri tani nuk ka raste të dyshuara. Në komplekset për prodhimin e mishit, rezultatet e analizave janë të pastra. Po kryhet tamponimi sipas zonave. Urdhri ndalon shitjen e shpendëve në tregjet e gjallë apo lëvizjen e tyre nga fermë në fermë. Nuk janë evidentuar shkelje në asnjë prej pikave ku kemi kryer kontrolle. Produktet janë të kontrolluara, nuk ka rrezik në gatimin e mishit apo vezëve”, tha Gjici.