Gripi i shpendëve H5N1, i cili ka prekur shumë vende, pritet të ndikojë edhe në Shqipëri duke shkaktuar rritje të çmimit të vezëve. Në SHBA, çmimi i një veze është rritur deri në 500% për shkak të përhapjes së kësaj sëmundjeje, dhe ekspertët paralajmërojnë një efekt të ngjashëm në tregun shqiptar, në varësi të numrit të pularive të prekura.
Sëmundja është jashtëzakonisht agresive dhe mund të shfarosë një pulari brenda pak ditësh, duke detyruar asgjësimin e të gjithë shpendëve të infektuar. Për të shmangur humbje të mëdha ekonomike, fermat duhet të zbatojnë rreptësisht masat e bio-sigurisë, pasi rimëkëmbja e një pularie mund të zgjasë deri në gjashtë muaj.
Përveç ndikimit në çmim, ky virus paraqet edhe rrezik për shëndetin e njeriut. Ekspertët këshillojnë konsumatorët të gatuajnë mishin dhe vezët në temperatura mbi 70°C për të shmangur infeksionet e mundshme
Discussion about this post