Gripi i shpendëve ka shpërthyer në Itali duke u kthyer në një shqetësim madhor. Që prej mesit të muajit tetor janë regjistruar 21 shpërthime patogjene.
Instituti Eksperimental Zooprofilaktik i Venecias bën me dije se deri më tani janë prekur 700 mijë shpendë, duke përfshirë këtu gjelat e detit, pulat dhe strucat. Shpërthimi i fundit ndodhi në Romë, në një mbarështim jo-tregtar të rreth 250 pulave, ku kontrollet u aktivizuan pas fillimit të vdekshmërisë anormale të kafshëve. Analizat konfirmuan se një lloj virusi shumë patogjen si H5N1, i njëjti që preku fermat në Italinë Veriore.
Rajoni i Lazios krijoi një zonë mbrojtëse me një rreze prej 3 km nga ferma e prekur dhe një zonë mbikëqyrjeje me një rreze prej 10 km.
Në zonën e mbrojtjes nuk lejohet të futen apo të dalin shpendët apo gjitarët pa autorizimin e veterinerit. Kushdo që hyn ose del nga një fermë duhet të respektojë masat e duhura të bio sigurisë, të gjitha kufomat e zogjve të ngordhur duhet të asgjësohen menjëherë, ndërsa automjetet dhe pajisjet duhet t’i nënshtrohen procedurave të dezinfektimit. Ndalohet transporti i mishit të shpendëve dhe panaireve të shpendëve. Të gjitha masat mbeten në fuqi për të paktën 21 ditë pasi të jetë dezinfektuar shpërthimi
Discussion about this post