Një grua 63-vjeçare ka bërë kallëzim pranë Komisariatit numër 6 në Tiranë.
Ajo është shprehur se bashkëshorti i saj, 77-vjeçar është larguar nga banesa. Policia bën me dije se po punohet për gjetjen e të moshuarit.
“Në Komisariatin e Policisë Nr. 6 është paraqitur shtetasja D. N., 63 vjeçe, banuese në Tiranë, e cila ka bërë kallëzim se është larguar nga banesa, bashkëshorti i saj, shtetasi Gj. N., 77 vjeç. Punohet për gjetjen e tij”, njofton policia.
Blutë e kryeqytetit lajmëruan se kanë prangosur edhe një 28-vjeçar, që ka ushtruar dhunë ndaj bashkëshortes.
“Specialistët për Hetimin e Krimeve të Komisariatit të Policisë Nr. 5 arrestuan shtetasin M. A., 28 vjeç, banues në Tiranë, pasi ka ushtruar dhunë ndaj bashkëshortes së tij”, thuhet në njoftim.
Po ashtu, Specialistët e Qarkullimit Rrugor arrestuan shtetasit:
– A. M., 63 vjeç, banues në Tiranë, pasi duke drejtuar automjetin, në gjendje të dehur, është përplasur me një automjet tjetër, me pasojë vetëm dëme materiale;
– A. H., 47 vjeç, banues në Tiranë, pasi u kap duke drejtuar automjetin, në gjendje të dehur.
Discussion about this post