Me dy by-passe dhe një gjendje shëndetësore të përkeqësuar, Shatule Ketës i ka mbaruar durimi. Prej pesë vitesh ka dalë në pension por një ngatërrese me identitetin e ka lëne me sytë nga gjykatat. Për 20 vjet e moshuara punoi në ish-kooperativën Zoje Curri dhe çdo ditë pune nuk ju regjistrua me emrin që kishte në dokumente, por me emrin që e njihnin banorët në Klos, si Lile Keta.
E moshuara paditi shtetin dhe dhjetëra ish-kooperativistë dëshmuan se gruaja me dy emra ishin i njëjti person. Megjithëse 66-vjeçarja fitoi në shkallën e parë për inerci dosja përfundoi edhe në apelin administrativ në Tiranë, aty ku për shkak te stokut po prej një datë gjyqi prej katër vitesh.
“Kërkoj përshpejtim sepse unë 60-70 mijë i marr vetëm ilace. Dua të më dali pensioni, kam hallet e mia, mos t’i bie në qafë fëmijëve“, thotë Shatule Keta.
Në gjykatën administrative Tiranë të apelit stoku ka shkuar në 20 mijë, prej tyre 1720 janë pensionist që për shkak të dokumenteve nuk u njihen vitet e punës.
“Kam bërë dy operacione, jam me diabet dhe tension. Pensionin nuk po ma nxjerrin“, shton pensionistja.
E njëjta situatë është edhe shkallet e para, kryesisht ish-kooperativistë apo punëtorë në ndërmarrjet shtetërore kanë humbur dokumentet qe u dogjën gjatë 1997-tës./TopChannel
Discussion about this post