Kombëtarja e Anglisë ka siguruar kualifikimin në kampionatin Botëror të futbollit ku mundi me shifrat 5-0 Shqipërinë dhe blindoi vendin e parë në grupin I. Britanikët kanë grumbulluar plot 23 pikë në 9 ndeshje. Polonia pozicionohet në vendin e dytë në kuotën e 20 pikëve. Polakët mundën me rezultatin 4-1 skuadrën e Andorrës ku sulmuesi Levandovski realizoi dy gola. Me këtë sukses Polonia u ngjit në kuotën e 20 pikëve duke siguruar kalimin në fazën play-off.
Në vendin e tretë renditet Shqipëria me 15 pikë të grumbulluara. Kuqezinjtë kanë ndeshjen e fundit ndaj Andorës ku fitorja është detyrim për të siguruar vendin e tretë në këto kualifikuese. Më pas renditet skuadra e Hungarisë që mundi San Marinon 4-0. Në dy vendet e fundit renditen Andorra dhe San Marino.
Discussion about this post