Guardiola: “Kam shumë merita, admirimin dhe gjithë krenarinë time për këta lojtarë”

Pas përfundimit të ‘derbit’ mes dy Manchesterave, trajneri Guardiola ka folur pas triumfit të skuadrës së tij.

Manchester City fitoi kundër Manchester United me rezultatin 2-0 në kuadër të javës së 11të të Premier Ligës Angleze.

Sulmi i ‘djajve të kuq’ kryesohej nga Cristiano Ronaldo dhe Grënwood, por ishin të pamundur të përballonin formacionin 4-3-3 të Guardiolës që udhëhiqej nga Jesus, Silva dhe Foden.

Pas kësaj fitoreje, trajneri Guardiola i ka përgëzuar lojtarët e tij duke u shprehur:

“I jap shumë merita, admirimin dhe gjithë krenarinë time për këta lojtarë. Përkushtimi dhe fakti që luajtëm një lojë shumë të mirë nga fillimi deri në fund”, ka thënë fillimisht Guardiola.

“Mënyra më e mirë për të heshtur Old Trafford është të kemi topin, ta kemi topin që ne e bëmë. Dhe ne luajtëm një lojë vërtet të mirë”

“Këtu në Old Trafford kemi bërë një paraqitje të mirë shumë herë që kur kemi qenë bashkë – kemi fituar më shumë herë këtu sesa në Etihad Stadium”.

“Ishte një fitore e merituar dhe tre pikë të tjera”, përfundoi trajneri i Cityt.