Konflikti fizik mes dy lojtarëve të Bayernit të Mynihut, Sadio Mane dhe Leroy Sane, mund ta bëjë skuadrën gjermane më të rrezikshme në ndeshjen e dytë çerekfinale të Champions League të mërkurën, kështu mendon trajneri i Manchester City, Josep Guardiola.
“Winger-i” senegalez u gjobit dhe humbi ndeshjen e Bundesligës të së shtunës me Hoffenheim që u mbyll me barazimin 1-1, pasi goditi me grusht Sane pas humbjes ndaj City-t në Champions.
I pyetur nëse situata, ndonëse duket e çuditshme, mund të jetë një bonus për Bayernin, Guardiola u tha gazetarëve: “Absolutisht. Ndonjëherë keni nevojë për një konflikt për ta bërë skuadrën më të bashkuar.
Nuk është një pikë e dobët për ata, është një pikë e fortë. Mund ta imagjinoj situatën kundër City-t. Paraqitja më e mirë e Bayern Munich do të jetë të mërkurën mbrëma.”
Manchester City ka triumfuar 3-0 në takimin e parë ndaj rekordmenëve gjermanë, megjithatë në Allianz Arena, këtë të mërkurë, “Citizens” do tentojnë të sigurojnë kalimin për më tej më sa më pak dëme, duke parë që një ekip si Bayern nuk mund të nënvlerësohet, sidomos kur luan në shtëpi.
Discussion about this post