Pep Guardiola, trajneri katalanas i Man City-t, është në shënjestër në një raport të policisë spanjolle për lidhjet e tij me “Tsunami Demokratik”, një lëvizje për pavarësinë e Katalunjës, e cila akuzohet për terrorizëm.
Në një raport të autoriteteve shkruhet se lëvizja nisi “një fushatë të fortë mediatike të promovuar nga organet më të larta politike dhe sektorët e pavarësisë civile”, duke përfshirë Guardiolën, i cili “nuk ngurroi ta vinte zërin e tij në dispozicion të “Tsunamit demokratik”, duke iu bashkuar kërkesave të tyre dhe duke inkurajuar popullsinë katalane që të rebelohet kundër shtetit të së drejtës”.
I njëjti dokument thekson gjithashtu praninë e teknikut “në ngjarje në favor të së drejtës për vetëvendosje, duke qenë deri më sot një nga fytyrat më të dukshme të procesit të pavarësisë në nivel ndërkombëtar”.
Duhet theksuar se videoja e lëvizjes është publikuar në vitin 2019, e cila po hetohet nga gjyqtari García Castellón, me akuzën e terrorizmit.
Discussion about this post