Sipërmarrësja Gwyneth Paltrow ishte në krah të bashkëshortit të saj Brad Falchuk mbrëmjen e së enjtes gjatë premierës zyrtare të serialit të tij të ri me titull The Brothers Sun, i cili u zhvillua në Los Angeles.
Ylli 51-vjeçar zgjodhi të vishte sërish brenda pak javësh ngjyrën e sezonit, pra të kuqen, duke bërë një propozim me stil, pasi pjesa kryesore e veshjes së saj ishte një fund i gjatë i kuq.
Një veshje e tillë në pamje të parë mund të duket se na kufizon me kombinimet e bluzave, por Paltrow na tregoi se, edhe nëse nuk është e njëjta nuancë e kuqe, ky fund mund të vishet në mbrëmje, me një bluzë prej kadifeje me një dekolte e zhytur dhe një rrip i hollë lëkure i kuq.
Natyrisht, një fund i gjatë i kuq, i cili është mbresëlënës në vetvete, kombinohet në mënyrë perfekte edhe me një këmishë të bardhë – nëse është edhe më mirë me përmasa oversize – ndërkohë që mund të vishet gjithmonë me një jakë të hollë të zezë ose me ndonjë bluzë të zezë dhe blu. Një tjetër kombinim që do të bie në sy me një fund të kuq si pjesë kyçe, mund të përfshijë ngjyrën rozë pastel, diçka që e kemi parë tashmë në disa pasarela.
Paltrow e kompletoi veshjen me një vath ari të gjatë dhe të trashë në veshin e majtë, ndërsa flokët i kishte hedhur mbi supe dhe grimi i saj ishte shumë delikat.
Më poshtë mund ta shihni pamjen e saj:
Discussion about this post