Drejtori i Juventusit Federico Cherubini ka thënë se Manchester City nuk donte të paguante asnjë qindarkë për të nënshkruar me Cristiano Ronaldon, ndryshe nga Manchester United.
Ronaldo u kthye në Old Trafford në një marrëveshje prej 15 milionë eurosh nga Juventusi plus shtesa prej 8 milionë eurosh.
Ylli portugez kishte shënuar 101 gola në 134 ndeshje gjatë tre sezoneve me Bardhezinjtë, por ua bëri të qartë përfaqësuesve të klubit se ai donte të largohej më pak se një javë para përfundimit të merkatos së verës.
Manchester City filloi bisedimet me agjentin e tij Jorge Mendes, por nuk ishin në gjendje të arrinin një marrëveshje me gjigantët e Serie A pasi ata nuk donin të paguanin asnjë qindarkë për të nënshkruar CR7.
“Nuk kishte kushtet e duhura për ta bërë këtë,”- tha drejtori i Juventusit Federico Cherubini për Tuttosport.
“Manchester United sillet ndryshe, si një klub me traditë. Nuk mund të ketë një fund tjetër, duke pasur parasysh mënyrën se si na kishte folur Ronaldo. Ne nuk mund ta detyronim një lojtar të qëndronte.”-tha Presidenti i Juventus.
Ndërkohë portugezi pritet që të debutojë me United në ndeshjen e ditës së shtunë me Newcastle, takim i vlefshëm për Premier League./Gijotina.com
