Duke filluar nga ky sezon, tifozët e “Parc des Princes” nuk mund të dëgjojnë më këngën e Phil Collins “Who Said I Would”, ndërsa lojtarët dalin në fushën e blertë të stadiumit.
Kjo këngë, himn për mbështetësit e PSG-së është zëvendësuar me një miks më modern të krijuar nga DJ Snake, gjë e cila ka ngjallur zemërim te përkrahësit më të zjarrtë parisienë.
Ndërsa nga ana e tij DJ Snake, vetë një mbështetës i klubit kryeqytetas, ka shpjeguar pozicionin e tij në përmjet një postimi në rrjetet sociale.
Ai pretendon se krijimi i tij muzikor ishte porositur për prezantimin e Lionel Messit dhe jo për klubin. “Unë nuk mund ta pranoj këtë situatë”,-shtoi ai ndërsa la të kuptohej se ishte mashtruar nga klubi francez./Gijotina.com
