Klubi i Flamurtarit ka rikthyer Xhevahir Sukajn, i cili do mbajë dy pozicione në Vlorë. Përveçse rolit të sulmuesit, 33-vjeçari do jetë edhe drejtori sportiv i klubit.
Vlonjatët bëjnë me dije se shkodrani ka dhënë përgjigje pozitive për të pranuar rolin e ri të drejtuesit, ndërsa pritet të jetë element i rëndësishëm në sulmin e tyre.
Rikujtojmë që Sukaj u largua nga Flamurtari në tetor të 2020-ës, ndërsa tashmë rikthehet në një formë shumë ndryshe.
Deri më tani Flamurtari ka prezantuar Liçajn, Gocajn, Bicajn, Moçkën, Ribajn, Ramadanin dhe Pjeshkën, ndërsa qëllimi i klubit që ka rënë në Kategorinë e Dytë është rikthimi në elitën e futbollit shqiptar./Gijotina.com
