Të shumta kanë qenë diskutimet pro dhe kundër vendimit të Manchester United për emërimin e Rald Rangnick në krye të stolit të tyre.
I fundit që ka komentuar këtë gjë është legjenda e Liverpool, Sir Kenny Dalglish, i cili beson se kjo skuadër do ketë dy probleme nën drejtimin e gjermanit.
Ai ka paralajmëruar ka paralajmëruar rivalët e tij të vjetër se mund të përballen me një problem në fund të sezonit, pavarësisht se si Rangnick performon si trajner i përkohshëm.
“Nëse Ralf është një sukses, a do të ishte vërtet vendimi i duhur ta linim atë të largohej nga roli i trajnerit në verë për t’u bërë konsulent futbolli në klub për dy vitet e ardhshme?”-shkruan Dalglish në rubrikën e tij për ‘The Sunday Post’.
Më tej ai ngre një pyetje: “Dritarja e transferimeve të janarit do të jetë interesante. A do të lejohet Ralf të sjellë lojtarë dhe të largojë të tjerët?”
Rikujtojmë se Rangnick do të jetë në krye të United deri në fund të këtij sezoni dhe më pas do kalojë në rol konsulet për dy vite të tjera.
Gjermani e filloi në mënyrë perfektë detyrën e re, teksa mori drejtimin për herë të parë kundër Crystal Palace, me golin e Fred në pjesën e dytë që i dha fitoren 1-0 në “Old Trafford”./K.T/Gijotina.com
Discussion about this post