Sulmuesi serb i Fiorentinës, Dusan Vlahovic, ka habitur me deklaratën që ka bërë së fundmi në lidhje me Haaland.
21-vjeçari arriti të shënojë 21 gola në Serie A në sezonin 2020-2021 dhe ka vazhduar edhe në këtë sezon ku ka shënuar katër gola deri më tani.
Sulmuesi i Fiorentinës u krahasua me yllin e Dortmund dhe tha se ai mund të konkurrohet me norvegjezin.
“Ai është më i shpejtë se unë. Por për pjesën tjetër, ne konkurrojmë”,-tha Vlahovic për “DAZN”.
Ky sezon i ri i Bundesligës ka filluar shkëlqyeshëm për Haaland, i cili ka shënuar shtatë herë në pesë ndeshje, ndërsa ka dhënë katër asistime.
Ndërsa në Champions League Haaland shënoi një gol në fitoren 2-1 të Borussia Dortmund ndaj skuadrës turke të Besiktas./K.T/Gijotina.com
