Eksperti i kriminalistikës, Ervin Karamuço, ka reaguar lidhur me sulmet kibernetike ndaj “e-Albania”, që zgjatën rreth një javë. Në një reagim në Facebook ai është shprehur se sulmi kibernetik po rezulton akt i mirëfilltë terrorist me pasoja të rënda për sigurinë kombëtare. Sipas tij, institucionet përgjegjëse duhet të veprojnë pasi rrjedhja masive e të dhënave vë në rrezik sigurinë e qytetarëve.
“Fatkeqësisht sulmi kibernetik po rezulton një akt i mirëfilltë terrorist me pasoja të rënda për sigurinë kombëtare. Me qindra shkresa zyrtare dhe emaile institucionesh po publikohen nga një faqe anonime, duke vërtetuar një rrjedhje masive të dhënash shtetërore.”, shkruan ai.
Kujtojmë se e-Albania u rikthye në funksion pak ditë më parë, por jo plotësisht.
Discussion about this post