Ish-trajneri i kombëtares, Astrit Hafizi ka kritikuar lojën e kuqezinjve ndaj Anglisë. Ai është skeptik në lidhje me meritat e Shqipërisë për të përfunduar këto kualifikuese në vendin e tretë.
“Nuk gjej fjalë për të analizuar këtë ndeshje. Unë nuk dua të bëj rolin e profetit, por le t’i gëzohemi vendit të tretë që kemi në grup, pasi ka shumë për të analizuar dhe shumë gjëra i kemi prekur edhe më herët. Edhe për vendin e tretë kam dyshime a e meritojmë apo jo. Kemi mposhtur dy herë Hungarinë, por edhe ajo ka bërë paraqitje mjaft të mirë.
Ishte keqardhje të shikoje Anglinë në pjesën e dytë të tregonte mëshirë për ne. Kush e pa ndeshjen, e vuri re që ata toleruan shumë në pjesën e dytë dhe ne nuk jemi në gjendjen që të kemi nevojë për këtë sjellje të kundërshtarit”, tha Hafizi.
Discussion about this post