Në një lagje në Patos në 19 Nëntor 2023 në mes të natës, dy hajdutë hyjnë dhe vjedhin 10 pula deti në familjen Malaj.
Denoncimi vjen nga Pëllumb Malaj djali i vogël i shtëpisë, i cili është emigrant prej 20 vitesh në Greqi. Ai thotë se në shtëpi jeton e vetme e ëma 85-vjeçare dhe më shumë ka frikë për sigurinë e saj.
Denoncuesi: Banoj në Greqi që prej 27 vitesh. Kam nënën vetëm që më jeton në Patos. Para 10 ditësh më janë futur në shtëpi dhe më kanë dhunuar banesën, më kanë vjedhur. Kam ardhur nga Greqia për këtë punë. Kam bërë kallëzim në Rajonin e Policisë Patos për të identifikuar personat, nuk më është dhënë zgjidhje.
Denoncuesja: Ne nuk na ka vjedhur kurrë njeri. Plaku ka 3 muaj që ka vdekur. Iku plaku, bëhet kjo punë. Unë haja një kokërr vezë se nuk e blija dot. Ja për këtë i mbaja. Pse të vinte djali nga andej? Punët e tij i prishi. Mua më ka lënë frikë. Kam frikë natën.
“Stop” kasiguruar kamerat e sigurisë të zonës ku ndodhi vjedhja duke ndërtuar ngjarjen. Sipas Pëllumbit që nuk gjeti zgjidhje në policinë e Patosit hajduti është Bajram Sulejmani, një komshi në zonë.
Denoncuesi: Jam detyruar vetë. Kam hapur kamerat e shtëpisë sime. Kam hapur kamerat e komshinjve dhe kam identifikuar një person nga ata. Kam identifikuar targat e makinës. Është një që rri më poshtë nesh, Bajram Sulejmanaj e ka emrin. Kam shkuar në polici dhe kam kallëzuar dhe më kanë thënë që “për 5 pula bën ti tani kallëzim në polici” dhe i jam drejtuar emisionit “Stop” për këtë çështje se ndryshe nuk gjeja dot zgjidhje. Ju lutem jepni zgjidhje këtij muhabet sepse sot u futën në shtëpi e më vodhën pulat dhe nesër do të më futen në shtëpi dhe do më therin plakën.
Bajram Sulejmani çalon dhe në kamera dallohet një person i çalë. Për këtë denoncim “Stop” ka pyetur të dyshuarin e ngjarjes, Bajram Sulejmanin.
Gazetari: Si je Bajram? Në lidhje me një vjedhje që ka ndodhur këtu, akuzoheni ju. Ju çaloni apo jo?
Bajram Sulejmani: Nuk çaloj, fare pak. Unë e sqarova dhe me policinë që unë qarkulloj kur bëj taksi.
Gazetari: Nuk e di a e dallon, këtu je ti ku çalon. Ja makina jote.
Bajram Sulejmani: Unë i sqarova dhe organet kompetente për këtë. Erdhi policia në shtëpi dhe ju kam thënë që “unë punoj natën e ditë pa orar”.
Bajram Sulejmani mohon çdo gjë dhe thotë se punon taksi në të zezë, por nuk ka një alibi se ku ka qenë natën e vjedhjes në orën 2 të mëngjesit.
Denoncuesi: O Bajram unë e kam shtëpinë plot me kamera. Makina jote ka kaluar atje sipas kamerave në orën 2 pa çerek.
Bajram Sulejmani: Po ka kaluar.
Gazetari: Ku ke shkuar?
Bajram Sulejmani: I thonë 10 ditë o shok. 10 ditë unë nuk mbaj mend asgjë.
/tvklan.al
Discussion about this post