Mbrojtësi i skuadrës së Vllaznisë, Esin Hakaj ka theksuar se fitorja ndaj Dinamos ishte mëse e merituar dhe se ndaj Kukësit pret një ndeshje të vështirë.
“Jam shumë i kënaqur me fitoren e arritur si dhe atmosferën dhe gëzimin që krijuam për tifozërinë e mrekullueshme shkodrane. Bëmë një lojë shumë të mirë. Përmbysëm rezultatin e fillimit dhe treguam forcë e karakter në të gjitha aspektet. Ishte një fitore që pak kujt mund t’i shkonte ndërmend.
Dua të them se është ndër përballjet më delikate. Kukësi ka një skuadër të mirë dhe për këtë duhet vlerësuar maksimalisht. Megjithatë, objektivi ynë kryesor është që të marrim tri pikët e radhës”, theksoi mbrojtësi i Vllaznisë.
