Ish-kryeministri Sali Berisha e ka quajtur superskandal udhëtimin me avion charter 137 herë të kryeministrit Rama pas publikimit të të dhënave nga hakerat iranianë.
Berisha u shpreh në konferencën për mediat se në 8 vite në mandatin e tij si Presidenti i SHBA, Bush ka udhëtuar me Air Force One 74 herë, sa gjysma e Ramës, duke theksuar se abuzimi shkon në 22 milionë euro.
“Ai si asnjë kryeministër tjetër i ka lejuar vetes 137 udhëtime. Në 8 vite në mandatin e tij Presidenti i SHBA, Bush ka udhëtuar me Air Force One 74 herë, gjysmën e Edi Ramës. Por Air Force nuk është përdorur kurrë për weeknd, udhëtime boshe etj. Është çmenduri që tejkalon çdo lloj imagjinate. Kancelari Austrisë nuk lejon vetëm të udhëtoje me charter, por me linjë tregtare. Nuk transporton ministrat me avion taksi, por me linja tregtare. Rama me 137 udhëtimet e tij vajtje ardhje me charter i ka kryer para themelimit të Air Albania. Ka marrë nga kompanitë e charter, avionë taksi në dispozicion të zotërisë së tij, fluturimet e tjera i ka bërë me avion taksi me Ismailin e apasionuar, që e do shumë ai, flet sikur i ka në kopshtin e Surrelit. Është aeroplan i Albania Airline, siç thotë ai dhuratë nga Erdogan. Karburanti, parkingu, stjuardesa, pilotë shkon 150 mijë euro në një udhëtim i paguajnë baballarët e atyre që nisen me gomone duke rrezikuar jetën në La Mansh. Ndaj këtij superskandali reagoi me gjuhë karakteristike vetëm për të. Tha kam dhënë të jap sqarime dhe s’jap më. Shqiptarët s’mund t’ia falin këtë abuzim që shkon në 22 milionë euro. Tejkalon jashtë çdo lloj limiti abuzivitetin më maksimal”, tha Berisha.
Discussion about this post