Pas portaleve qeveritare, hakerat kanë goditur edhe adresat e komunikimit të ish-drejtorit të Policisë së Shtetit, Gledis Nano. Ndërsa ditën e sotme qarkullojnë në rrjetet disa e-maile të rëndësishme të  Nanos, në një prej tyre është zbuluar një informacion mjaftë me rëndësi. Bëhet fjala për një atentat me eksplozivë që ishte planifikuar të bëhej ndaj Ambasadës Shqiptare në Athinë. Gijotina.com ka siguruar e-mailin, në të cilin gjenden edhe emrat e autorëve të dyshuar për këtë atentat të dyshuar.

Në dokumente thuhet se, Edion Miho me origjinë nga Korça , Todor Beba (alias Totila) nga Korça, Thanas Trasha nga Korça, Dhionisios Alfred BELERI Nga Himara, Thanas TRASHA nga Korça,  Llambi Angjeli nga Saranda dhe me nënshtetësi greke, si dhe vëllai i tij Alqi Angjeli , janë të dyshuarit kryesorë që kishin planifikuar shpërthimin me lënë plasëse të godinës së Ambasadës Shqiptare në Athinë. Sipas dokumentit, ata kanë planifikuar te realizojnë një sulm me lëndë shpërthyese, të llojit dinamit ndaj selisë se Ambasadës së Republikës se Shqipërisë, në Athinë.  Në këtë dokument të klasifikuar si informacion  tepër sekret vjeçare, Njësia e antiterrorit i ka dërguar një letër zyrës për çështjes rajonale në ambasadën e SHBA-së ku njoftohet se ka marrë të dhëna për sulmin e mundshëm ndaj selisë diplomatike në kryeqytetin grek.

Pas marrjes së informacionit, Antiterorri ka kryer një sërë verifikimesh që kanë të bëjnë me saktësimin e gjeneraliteteve të këtyre personave të dyshuar, vendndodhjen e tyre aktuale, informacionet që kanë të bëjnë me përfshirjen e tyre në aktivitete kriminale përfshirë dhe ato më karakter terrorist.  Dhe përmes këtij e-mailin janë dërguar të dhënat në të dyja shtet, pasi dy prej autorëve rezultonin të ndodheshin në Shqipëri asaj kohe dhe 1  tjetër  në tokën helene dhe  një tjetër në Holandë Deri më tani nuk informacione nëse është bërë i mundur arrestimi i autorëve, por më poshtë janë publikuar të dhënat specifike për secilin prej tyre. Nga këto të dhënat bëhet me dije se disa prej tyre janë persona me precedent penal dhe janë përfshirë në disa ngjarje të tjera kriminale, kryesisht për trafikim të lëndëve narkotike.

Kush janë të dyshuarit

Llambi ANGJELI, i datëlindjes 26 Tetor 1968 lindur në Sarandë. Ka shtetësi shqiptare dhe shtetësi greke.  Nga verifikimet e kryera sipas sistemit TIMS ky shtetas ndodhet në Shqipëri por sipas informacionit të marrë në terren mendohet të jetë jashtë shtetit në Greqi. Deri tani nuk ka informacion për vendndodhjen e saktë. Nuk njihet si anëtar shoqatave  “vorio-epiriote”.

Alqi ANGJELI (i njohur edhe si Alkis Aggelis), i datëlindjes 05 janar 1979,  vëllai i Llambi Angjelit. Ka shtetësi shqiptare dhe shtetësi greke. Nga verifikimet e kryera sipas sistemit Tims nuk ndodhet në Shqipëri. Evidentohet si person me prirje ekstremiste në shoqatat “vorio-epirote”, i lidhur me eksponentë të ish-partisë “Agimi i Artë”. Ka qenë pjesëmarrës në protestat që janë zhvilluar nga kjo parti më datë 28 tetor 2018 përpara ambasadës së Republikës së Shqipërisë në Athinë, pas ngjarjes së Bularatit dhe më datë 01 nëntor 2020 në sheshin “Sintagma”, Athinë në mbështetje të ngjarjes së ndodhur me shtetasin Kostandinos KACIFAS.  Në këtë protestë kanë djegur edhe flamurin shqiptar. Besohet se ky person ka lidhje të afërta me shtetasin Fredi BELERI me të cilin takohet shpesh herë kur ky i fundit viziton Athinën. Nga verifikimet e kryera në sistemin DEEPSEE nuk rezulton të ketë deklaruar numër celular në përdorim.

Edion MIHO, i datëlindjes 29 gusht 1980, lindur dhe banues në Korçë, Njihet me pseudonimin “Kokë Kashta”. Person me precedentë penal i përfshirë në trafikim narkotikësh. Nga verifikimet e kryera në sistemin Tims rezulton të jetë në Shqipëri.

Todor BEBA, i datëlindjes 25 mars 1974, lindur dhe banues në Korçë. Person me precedentë penal, i përfshirë në trafikim narkotikësh. Nga verifikimet e kryera në sistemin Tims rezulton të jetë në Shqipëri. Nuk ka informacion për vendndodhjen e saktë. Njihet me pseudonimin “TOTILA”.

Nga verifikimet rezulton se shtetasi Todor Beba është i pajisur dhe me pasaportë greke me identitet Theodoros BEMPAS. Gjithashtu rezulton se shtetasi Todor BEBA është person i shpallur në kërkim kombëtar pasi Prokuroria Pranë Gjykatës së Rrethit Gjyqësor Korçë për veprën penale “Prodhim dhe shitje narkotikësh” parashikuar nga neni 283/2 i kodit penal të RSH. Aktualisht po kryhen procedurat për shpalljen në kërkim ndërkombëtar të këtij shtetasi. Sipas informacioneve që disponohen nga ana jonë ky shtetas aktualisht ndodhet në Einthoven Holandë.

Thanas TRASHA, i datëlindjes 20 Maj 1964, lindur dhe banues në  Korçë, me kombësi dhe shtetësi shqiptare, Person me precedentë penal, i përfshirë në trafikim narkotikësh. Nga verifikimet e kryera në sistemin Tims rezulton të jetë në Shqipëri. Nuk ka informacion për vendodhjen e saktë.

Dhionisios Alfred BELERI, i datëlindjes 09 gusht 1972, lindur në Himarë dhe banues në lagjen Stefanel, Himarë, me gjendje gjyqësore i dënuar, me kombësi e shtetësi shqiptare, mban dhe shtetësi Greke. Është person i cili njihet për veprimtarinë e tij antishqiptare që prej fillimit të viteve 1990. Ai bën thirrje për cenim të rendit kushtetues, sovranitetit dhe integritetit territorial të Republikës së Shqipërisë. Dyshohet të ketë qenë pjesëmarrës në sulmin e kryer në vitin 1994 në postën ushtarake në fshatin Peshkëpi, Gjirokastër, ku u vranë dy ushtarakë shqiptarë si dhe u plagosën tre ushtarë të tjerë nga një grup personash të armatosur.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.