Presidenti i skuadrës së Tiranës, Refik Halili ka theksuar se është shumë i lumtur për fitoren në derbi ndaj Partizanit por largoi euforinë duke theksuar se në këto momente nuk mund të diskutohet për titull.
“Derbi ka rëndësi shumë të madhe për ne. Kuptohet që është një ndeshje e rëndësishme, i ka rezultatet të gjitha brenda. Jemi të kënaqur që e fituam këtë ndeshje, shpresojmë të festojmë sonte dhe çunat të ecin para.
Për sa i përket klasifikimit, jemi në vend të parë, por për të folur për titull duhet punë e të fitojmë ndeshje të tjera që të ecim para. Sa i përket titullit, është shumë, shumë shpejt, kemi shumë punë për të bërë”, tha Halili.
