Lewis Hamilton është një nga ata sportistë që gjithnjë përpiqet të dërgojë mesazhe për shoqërinë ndërsa në shumë raste edhe ai vetë ka rënë pre e racizimit apo formave të tjera të dhunës.
Së fundmi, piloti britanik foli haptazi për atë që e konsideron si pjesën më të vështirë të karrierës, fëmijërinë. Kjo pasi Hamilton zbuloi se si fëmijë është tallur nga të tjerët ndërsa këtë nuk ka mundur ta fliste me prindërit e tij duke e vuajtur edhe më shumë.
“Në shkollë isha viktimë e racizimit, më tallnin dhe më quanin “i ziu”. Më vendosnin në lojë dhe më gjuanin me banane, ishte pjesa më traumatike e jetës sime. Por, asnjëherë nuk e fola me babain tim sepse nuk doja që ai të mendonte se isha i dobët.
Isha në moshën 6-vjeçare dhe isha një nga të vetmit fëmijë me ngjyrë dhe kështu ata që ishin edhe më të shëndetshëm e të zhvilluar më tallnin gjithnjë. Në shkollë kishte raste që edhe drejtori kapej me mua dhe vetëm me mua, e ndjeja që i gjithë sistemi ishte kundër meje”, u shpreh Hamilton në një podcast për “On Purppose”.
Discussion about this post