Në Komisionin e Sigurisë ka nisur diskutimi për projektligjin mbi informacionin e klasifikuar ku deputetët e Kuvendit kërkojnë hapjen e dosjeve të ish Sigurimit të Shtetit për të bërë pastrimin e politikës nga spiunët e komunizmit.
Duket lënë në një anë konfliktet mes tyre, ministrja Elisa Spiropali dhe deputeti demokrat Enklejd Alibeaj kanë rënë dakord për hapjen e dosjeve të ish Sigurimit.
Enkelejd Alibeaj: Në korrik, një pjesë e kolegëve të PD depozituan një amendamend me atë të të cilit synojmë të adresojmë një çështje që ka interes publik, çështja e hapjes së dosjeve. Deklasifikimi i dosjeve. Pas 32 vitesh të rënies së sistemit komunist, shoqëria shqiptare ka nevojë sot që të njohë të shkuarën e vet. Për të hequr një herë e përgjithmonë atë që është modeli i shantazhit që bëhet duke u bazuar në dosjet e ish-sigurimit dhe që aplikohet në politikë. Nuk shoh nga ana e qeverisë që ta ketë trajtuar këtë çështje. Cili është qëndrimi juaj për këtë iniciative ligjore që një grup i PD-së ka marrë?
Elisa Spiropali: Për propozimin tuaj, mesa kuptoj nga opinioni që ka dhënë Autoriteti, nuk ka asgjë të keqe që të ketë një deklasifikim të këtyre dokumente, por duke ruajtur diskrecionin e Autoritetit që në rastet kur mund të cënohet siguria kombëtare. Janë pak çështjet për të cilat ne biem dakord, por në një çështje e tillë që synon pastrimin e politikës nga njerëz të asaj kohe që kanë qenë pjesë e strukturave të mos kenë më vend në politikën tonë.
Discussion about this post