Deputeti i AAK-së, Ramush Haradinaj, ka hedhur një sërë kritikash ndaj kryeministrit Albin Kurti ditën e sotme. Përmes një postimi në rrjetin social Facebook ai i ka kërkuar llogari Kurtit për aplikimin e 56 mijë qytetarëve për viza pune në ambasadën gjermane në Kosovë. Haradinaj pyet nëse Qeveria Kurti ishte “qeveri e shpresës”, pse po i detyron qytetarët të largohen. Sipas tij, çdo vit vendi po shpopullohet nga keqqeverisja.
“A ka kryeministri ndonjë koment? 56000 qytetarë të Kosovës për një muaj kanë aplikuar për viza pune për të dalë jashtë vendi, vetëm në njërën nga ambasadat. Përse kjo heshtje? A nuk ishit ju qeveria e shpresës? Përse kaq shumë qytetarë ia mësyejnë ta lëshojnë vendin?
Ata duan të ikin sepse qeveria nuk po tregon aftësi për ringjalljen ekonomike, përkundrazi, po e fundosë dita ditës edhe më shumë ekonominë edhe ashtu në krizë. Qeveria e këtij Kryeministri, me politika të majta ekstreme, frikësoi kapitalin vendor duke e nxjerrë jashtë dhe duke u ulur shuma e investimeve. Ajo përpos se nuk e përkrahu, krijoi armiqësi me sektorin privat.
Qytetarët po ikin nga vendi sepse kjo qeveri e ky kryeministër po tentonjnë që Kosovën ta shndërrojnë në Venezuelë. Me politikat majtiste ekstreme, ngjalljen e sentimentit anti-amerikan, ata po shkojnë rrugës së Chavez-it”, shkruan ai.
Në Kosovë ashtu si në vendin tonë, për shkak të kushteve të vështira ekonomike çdo vit me mijëra qytetarë tentojnë të largohen drejtë Evropës dhe pjesa më e madhe e lënë përfundimisht vendin e tyre. Çdo herë këto shifra po bëhen edhe më të frikshme.
Discussion about this post