“Harry Potter” mund të kthehet sërish pas 20 vitesh

Për të gjithë njerëzit e apasionuar pas librave dhe filmave të  “Harry Potter”, kemi një lajm shumë të mirë për ju.

Sipas The Sun, mund të kemi një rikthim shumë të veçantë për të festuar 20 vjetorin e filmit të parë të “Harry Potter and The Philosopher’s Stone.”

Yjet kryesor të filmit, përfshi këtu Daniel Radcliffe, Emma Watson dhe Rupert Grint do të nisin xhirimet në studion Warner Brothers Studio në Londër. Me të drejtë, ju do të pyesni se kur?

Thuhet se në fund të këtij muaji, por nëse s’ndodh kështu e konfirmuar është që do të ndodhë shumë shpejt!

“Do të ishte e mrekullueshme nëse kjo do të bëhej, pasi ata i kanë ofruar shuma të mëdha parash kastit për t’u ribashkuar. Shumë nga aktorët janë në vende të ndryshme, në jetët e tyre, por kujtimet që kanë bashkë me siguri do t’i bashkojnë. Shpresojmë të gjithë që ribashkimi do të ndodhë.”- u shprehën burime për The Sun.

Çfarë do të shohim në rikthimin e “Harry Potter”?

Mendohet se personazhet do të rikrijojnë skenat më të famshme nga filmi, që do të thotë: një përjetim i dytë pas 20 vitesh i filmit magjik!