Presidenti në largim, Ilir Meta ka dalë sot në mbrojtje të avokatëve të cilët kanë bojkotuar të gjitha proceset gjyqësore, si shenjë protestë ndaj hartës së re gjyqësore. Meta, përmes një postimi në Facebook, kërkon nga Këshilli i Lartë Gjyqësor të dëgjojë zërin dhe kërkesat e avokatëve të cilët prej muajsh ndodhen në protestë. Ndër të tjera, kreu i shtetit thekson se Shqipëria ka nevojë për një sistem gjyqësor të pavarur dhe funksional.
“Mbështes plotësisht kërkesat e drejta të Avokatëve Shqiptarë dhe në mënyrë të përsëritur nxit Këshillin e Lartë Gjyqësor dhe aktorët e tjerë bashkëpunues dhe vendimmarës, të dëgjojnë zërin e tyre dhe këshillat e Parlamentit Europian.
Shqipëria ka nevojë jetike për një sistem drejtësie plotësisht të pavarur, funksional dhe efiçent!
Qytetarët presin një drejtësi sa më afër tyre, dhe jo një riorganizim të përqendruar që e largon drejtësinë prej tyre duke e bërë jo vetëm më të shtrenjtë dhe të vonuar, por edhe më të pamundur.”-shkruan Meta.
Discussion about this post