Armando Broja është kthyer sërish në protagonist për skuadrën e Southampton. Talenti i Kombëtares shqiptare ka shënuar sërish për ekipin e tij, edhe pse nuk mund të merrnin më shumë se barazimin 2-2 ndaj Crystal Palace në ndeshjen e së mërkurës.
Duke folur pas këtij takimi trajneri i sulmuesit të përfaqësueses ‘Kuqezi’, Ralph Hasenhuttl është shprehur se shqiptari është shumë i rëndësishëm për ta.
“Unë isha shumë i lumtur që Broja ia doli të rikuperohej në kohë për ndeshjen ndaj Crystal Palace, sepse nuk kishte garanci që mund të luante pas një dëmtimi në sfidën e kaluar. Pastaj, në fushë të gjithë e shohin qartësisht se sa i rëndësishëm është ai për skuadrën tonë. Në këtë moment na duhen të gjithë futbollistët, mund të ndodhë që për një ndeshje je jashtë skuadre, por në sfidën pasardhëse të duhet të luash sepse të gjithë janë të rëndësishëm”,-tha tekniku.
Rikujtojmë se Armando Broja ka mundur të shënojë plot 6 gola gjatë këtij sezoni në të gjitha kompeticionet ku luan Southampton./K.T/Gijotina.com
Discussion about this post