Në Madrid, sponda e bardhë, belgu Eden Hazard do të mbahet mend vetëm për kilet e tij të tepërta, për dëmtimet e shumta dhe të gjata si dhe për faktin që ishte një menefregist i pakorrigjueshëm (pse jo dhe një parazit, këtë e ka si kompliment, sinqerisht).
Deklaratat e tij të fundit, kanë acaruar edhe më shumë këdo që është tifoz i Reali të Madridit por edhe ata që janë fansa të futbollit të bukur.
Në një tentativë për t’iu përgjigjur përsëri, kësaj radhe me ironi, deklaratave, të drejta, të Toni Kroos (“ishte njëri që erdhi për 100 mln euro dhe e la karrierën t’i vdiste”) ai theksoi se ka ende fuqi për të luajtur futboll, duke parë që ka bërë pushim për tre vjet.
“Sinqerisht, nuk e di ende. Pas tre vitesh të ndërlikuara, dua vetëm të kaloj kohë me familjen time dhe të shkoj me pushime, si gjithë të tjerët.
Kemi lexuar shumë gjëra në ditët e fundit dhe shumë marrëzi. Nuk e di, do të shohim… Më duket se ende mund të luaj, por në të njëjtën kohë, kam dy-tre vjet që pushoj. Unë kam ende pak energji”,- tha Hazard.
Nuk e dimë se si funksionon truri i Edenit, por ajo që është e sigurtë, është se cheeseburgerat i kanë shkaktuar dëme të pariparueshme në “çentralinë”.
Discussion about this post