Fitorja 6-0 e së dielës ndaj Real Valladolid ishte një rezultat shumë i këndshëm për Real Madridin për një sërë arsyesh. Karim Benzema u rikthye në formë duke shënuar një hat-trick brenda shtatë minutash, ndërsa Rodrygo, Marco Asensio dhe Vinicius Jr ishin të gjithë në formë të mirë.
Një tjetër shenjë pozitive për Real Madrid ishte Eden Hazard që bëri paraqitjen e tij të parë për klubin që nga janari, pasi ishte “harruar totalisht” nga Carlo Ancelotti. Ish-kapiteni i Belgjikës e mbylli rikthimin e tij duke asistuar për golin e gjashtë kundër Valladolidit, i shënuar nga Lucas Vazquez.
Ky ishte kontributi i parë i Hazard në La Liga që nga shtatori i vitit 2021, dhe me El Clasico e ditës së mërkurë, ekziston mundësia që Ancelotti të mos mendojë se mund ta thërrasë 32-vjeçarin.
Nëse e bën këtë, Hazard më në fund mund të thyejë serinë e tij negative në El Clasico. Që kur u bashkua nga Chelsea në vitin 2019, ai kurrë nuk është përballur me Barcelonën në një ndeshje zyrtare, me lëndimet dhe zgjedhjet teknike që kanë qënë arsyet për këtë gjë.
Në total, ka pasur 10 takime zyrtare midis Real Madridit dhe Barcelonës gjatë kohës së Hazard në kryeqytetin spanjoll, dhe në ndeshjen e 11-të, ai mund të marrë më në fund pjesë në ndeshjen më të madhe të futbollit botëror.
Discussion about this post