Nga pritshmëria e madhe, prezantimi në Bernabeu si një yll Hollywoodi e deri te pretendimet e gazetarëve dhe tifozëve se do të ishte protagonisti absolut i epokës post-Ronaldo te Real Madrid, kemi ardhur tani në një pikë ku disa harrojnë që ai bën pjesë në ekipin e drejtuar nga Carlo Ancelotti.
Eden Hazard është pa dyshimin më të vogël një nga investimet më të dështuara të klubit rekordmen spanjoll.
Belgu u bë afrimi më i shtrenjtë në historinë e “Los Blancos”, plot 150 milionë euro në 2019-ën, por vetëm pas gati katër vitesh vlera e tij në treg thuajse ka shkuar pranë zeros.
Në moshën 32-vjeçare tashmë, sipas faqes së statistikave të futbollit “Transfermarkt”, vlera e tij ka rënë në vetëm 5 milionë euro.
Janë të largëta kohët kur Hazard, bënte magjira me topin. Duket se kur u transferua në Madrid, talenti i tij mbeti te Chelsea. Një mëkat…
Discussion about this post