Helmohen pesë ushtarë të Forcës së Sigurisë së Kosovës pasi kanë ngrënë syfyr në kazermën “New Born” në qytetin e Gjilanit. Ministria e Mbrojtjes nëpërmjet një postimi në Facebook thotë se ushtarët janë mirë nga ana shëndetësore dhe nuk ka arsye për shqetësim. Pas qarkullimit të informacioneve të sotme, për dyshimin e helmimit në ushqim të 5 pjesëtarëve të FSK-së, Ministria e Mbrojtjes, njofton si në vijim:
“Me të marrë informacionin, SHP i FSK-së ka marrë masat e duhura sipas procedurave standarde operative dhe deri më tani kemi të konfirmuar se të gjithë pjesëtarët që kanë kërkuar ndihmë mjekësore, tani janë shëndosh e mirë dhe nuk ka asnjë arsye për shqetësim.
Gjithashtu, përmes mekanizmave tanë zyrtar mjekësor si dhe në bashkëpunim me Institutin Kombëtar të Shëndetësisë Publike të Kosovës (IKSHPK), janë marrë mostrat e ushqimit dhe jemi duke pritur rezultatet e analizave që do të mundësojnë identifikimin e shkaktarëve të mundshëm, që kanë rezultuar me çrregullimin shëndetësor të pjesëtarëve tanë.”-shkruhet në faqen zyrtare të Ministrisë së Mbrojtjes.
Discussion about this post