Deputeti demokrat, Dashnor Sula, ka bërë sot një reagim në lidhje me ngjarjet e fundit kriminale të ndodhura në vendin tonë. Përmes një shkrimi në rrjetet sociale ai risjellë në vëmendje deklaratën e kryeministrit Edi Rama të bërë tre vite më parë, ku thoshte për kriminelët “hëngshin kokat e njëri-tjetrit”. Sipas tij, kjo shprehje vlen për kriminelët dhe bandat e tyre që cenojnë sigurinë e qytetarëve. Në postimin e tij, deputeti Sula thekson se bandat në Shqipëri gëzojnë mbrojte të pushtetit lokal e qendror.
“Arsyen kësaj situate kaotike të rendit publik e shpjegon shumë qartë sinkroni i kryeministrit Rama 3 vite më parë që po e risjelël sot. Hëngshin kokat e njëri-tjetrit” thotë kryeministri madje edhe bën një shprehje ne forme lutje. Domethënë të bëjnë ç’të duan se nga ne nuk kanë pikën e shqetësimit. Mjafton që vetëm në kohë fushate të jenë në gatishmërinë tonë. Prandaj në reagimet e mia të fundit kam kërkuar nga kreu i qeverisë të marrë masa për të normalizuar rendin publik në Shqipëri.
Të fortët, bandat gëzojnë mbrojte të pushtetit lokal e qendror. Pikërisht prej komoditetit qe politika i ka krijuar bandave, mediat italiane shkruajnë se ne Shqipëri pastrohen paratë e Ndragheta-s. Vullneti i Drejtorit të Përgjithshëm të Policisë dhe vetëm i SPAK nuk mjafton për të luftuar me krimin. Këto struktura meritojnë mbështetje dhe duhen inkurajuar për rezultate bindëse kundër krimit të organizuar. Por sigurisht duhet patjetër që më parë të hiqet imuniteti politik që u ofrohet atyre. Jemi në mes të sezonit turistik, po i trembim pushuesit të vijnë në Shqipëri”, shkruan Sula.
Ndërsa shprehet se, veprimi duhet të jetë i menjëhershëm dhe të mos bëhemi dëshmitar i dështimit të turizmit në një kohë që ekonomia ka më shumë se kurrë nevojë për këto para
Discussion about this post