Shkolla e Magjistraturës shpërndau të mërkurën një njoftim që e cilësoi të rëndësishëm për të gjithë të interesuarit për të marrë pjesë në provimin e pranimit në Shkollën e Magjistraturës për vitin akademik 2024-2025.
Që në krye të njoftimit sqarohej se Këshilli Drejtues i Shkollës së Magjistraturës, në mbledhjen e datës 29 janar 2024, ka vendosur të ndryshojë rregullimin e kriterit të mesatares së lëndëve, duke hequr kërkesën për notë mesatare mbi 8 të lëndëve kryesore.
Deputeti i PL-së Petrit Vasili ka komentuar heqjen e mesatares për të konkurruar në Shkollën e Magjistraturës. Me një status në rrjetin social Facebook Vasili thotë së drejtësisë ju hoq edhe tulla e fundit.
Reagimi
Drejtësia e “re”, me cilësi shumë më të vjetër! Reformës në Drejtesi po i shkulen edhe tullat e fundit.
Është vendosur heqja e mesatares si kriter për të konkuruar për Shkollën e Magjistratures. Vendosja e mesatares u vendos me umanimitet absolut në Parlament në emër te krijimit të një cilesie të re në ofrimin e drejtesisë.
Vulgaritetit dhe banalitetit në cilësinë profesionale të drejtesise i hapet autostrada e abuzimit dhe cilësisë mizerabël të dhënies së drejtësisë.
Kriteri i mesatares së larte ishte një kriter i vërtetë mbrojtes për cilësinë e magjistrateve të ardhshëm.
Por ky hap është sigurisht shqyerja e dyerve për çdo lloj patronazhisti rilindas për të hyre në sistemin e drejtësisë.
Pasi u zhbënë një nga një të gjitha ligjet e reformës në drejtesi nga rilindja sipas interesave të saj te kapjes se drejtësisë tani po zhbëjnë edhe tullat e fundit.
Tashme libri i kësaj reforme ka vetëm kopertinën sepse brenda është një reformë e kapur, aprofesionale, e paarritshme për qytetarët dhe cilësisht mizerabel. Tashme të gjithe po thone me te drejte: “Na ishte një herë një reforme në drejtesi”!
Discussion about this post