Futbollisti i skuadrës së Partizanit, Herald Marku ka theksuar se ende nuk ka arritur maksimumin e tij me kryeqytetasit teksa në lidhje me ndeshjen ndaj Skënderbeut ka theksuar se është i bindur tek fitorja.
“Një fitore shumë e rëndësishme ajo ndaj Teutës. Tashmë atmosfera në ekip është shumë pozitive. Suksesi në minutat e fundit na dha një dozë adrenaline shumë të madhe. Ekipi është stërvitur mirë dhe kemi harmoni. Shpresojmë që edhe fati të jetë me ne dhe të mos ndalemi më.
Është një ndeshje e vështirë. Në këtë kampionat të marrin pikë edhe skuadrat që nuk luftojnë për pjesën e sipërme të tabelës. Gjithsesi nëse shfaqim në ndeshje atë çfarë kemi bërë në stërvitje besoj se do t’ia dalim.
Në aspektin personal nuk jam i kënaqur me atë çfarë kam dhënë te Partizani por shpresoj të përmirësohem dhe kam bindjen se niveli im do të vijë në rritje”, tha futbollisti i skuadrës së Partizanit, Herald Marku.
Discussion about this post