Lëndimi i Thibaut Courtois e ka detyruar Real Madridin të rihyjë në tregun e transferimeve me një profil shumë më aktiv se sa kishte pas operacionit të fundit: nënshkrimin e Arda Güler.
Opsionet e Real Madridit për të gjetur një portier zëvendësues për Thibaut Courtois nuk ndalen së rrituri me kalimin e kohës.
Edhe pse emri i David de Gea ka bërë xhiron e rrjeteve sociale dhe në disa thashetheme e spekulime, ende nuk ka asgjë të konfirmuar. Real Madrid ka disa kandidatë, duke përfshirë Keylor Navas.
Nuk është hera e parë që portieri kostarrikan shfaqet si kandidat për t’u rikthyter në Madrid, në kohën e shkurtër që ka kaluar që kur u njoftua për dëmtimin e rëndë të Thibaut Courtois, që praktikisht ka mbyllur sezonin 2023/24.
Duhet thënë se Navas, pas triumfit të trefishtë në Champions (2016, 2017, 2018), është zhdhukur disi nga futbolli elitar (me gjithë respektin për Ligue 1).
Koha e tij te PSG nuk ka sjellë kujtime të mira, veçanërisht me huazimin e tij afatshkurtër te Nottingham Forest në fund të sezonit të kaluar.
Megjithatë, ai mund të ketë një shans për t’a “rimarrë veten” duke u kthyer në Santiago Bernabéu, i njëjti vend ku dikur ishte i padiskutueshëm dhe një pjesë kyçe e një Real Madridi të papërsëritshëm.
Në vorbullën e thashethemeve për portierët që shihen si blerje të reja pas dëmtimit të Thibaut Courtois, emra si Keylor Navas shihen si favoritë për t’u afruar, sidomos nëse gazetari italian Fabrizio Romano përcjell informacione që e afrojnë Navasin më shumë me klubin madrilen.
Romano ka siguruar se “një agjent po shqyrton mundësinë që Keylor Navas të shkojë te Real Madrid”.
Rikthimi i portierit të kombëtares së Kosta Rikës nuk ishte një opsion që klubi i kryesuar nga Florentino Pérez e mori parasysh në orët e para të dilemës që shkaktoi dëmtimi i rëndë i Thibaut Courtois.
Tani anëtarët e bordit të drejtorëve munden të jenë i hapur për pothuajse çdo mundësi duke ditur që Carlo Ancelotti nuk i beson Andriy Lunin si zëvendësues për portierin belg.
Discussion about this post