Paulo Dybala i është rikthyer golave, pas fazës jo të mirë që ishte duke kaluar së fundmi. ‘La Stampa’ raporton se tashmë mes lojtarit dhe Juventus mungon vetëm rinovimi.
Megjithatë duket se hetimi mbi fitimet kapitale të klubit janë duke shtyrë mbylljen e këtij rinovimi. E pashmangshme kjo duke qenë se këto janë ditë të vështira për drejtuesit e Juventusit, që luftojnë me strategji ligjore dhe takime të të gjitha llojeve për të qetësuar lojtarët dhe punonjësit e klubit.
Ndërkohë menaxherët e sulmuesit po finalizojnë dokumentet për mbylljen e operacionit dhe javën e ardhshme do të testojnë terrenin me klubin, për të rënë dakord për detajet e mbetura të kontratës.
Dybala duket se është mësuar të presë kohë më të mira brenda dhe jashtë fushës, ndaj edhe kjo duket si një sfidë për të./K.T/Gijotina.com
Discussion about this post